عودة من جديد

انا مش فاكر اخر مرة كتبت فيها كان امتى بس كل الى انا عارفه انى اتغيرت كتير سواء كان هذا التغيير سلبى او ايجابى بس انا بدات اغير السلبى واخليه ايجابى।
بس اهم حاجة هى اننا لازم نتعلم ونعلم مش لازم كل واحد مش يعيش لوحدة واتعلم زى ما تاخد زى ما تعطى
الحمدلله على كل شئ

رسولنا الحبيب

قبل وفاة الرسول صلى الله عليه وسلم كانت حجة الوداع، وبعدها نزل قول الله عز وجل
( اليوم أكملت لكم دينكم وأتممت عليكم نعمتي ورضيت لكم الإسلام دينا ( فبكي أبو بكر الصديق عند سماعه هذه الآية..
فقالوا له: ما يبكيك يا أبو بكر أنها آية مثل كل آية نزلت علي الرسول ..
فقال : هذا نعي رسول الله .
وعاد الرسول.. وقبل الوفاة بـ 9 أيام نزلت آخر آية من القرآن
( واتقوا يوما ترجعون فيه إلي الله ثم توفي كل نفس ما كسبت وهم لا يظلمون( ..وبدأ الوجع يظهر علي الرسول صلى الله عليه وسلم
فقال : أريد أن أزور شهداء أحد
فذهب إلي شهداء أحد ووقف علي قبور الشهداء
وقال :( السلام عليكم يا شهداء أحد، أنتم السابقون وإنا إنشاء الله بكم لاحقون، وإني إنشاء الله بكم لاحق (.
وأثناء رجوعه من الزيارة بكي رسول الله صلى الله عليه وسلم
قالوا: ما يبكيك يا رسول الله ؟
قال: ( اشتقت إلي إخواني )
قالوا : أولسنا إخوانك يا رسول الله ؟
قال : ( لا أنتم أصحابي، أما إخواني فقوم يأتون من بعدي يؤمنون بي ولم يروني ( ..
اللهم أنا نسألك أن نكون منهم
وعاد الرسول صلى الله عليه وسلم وقبل الوفاة بـ 3 أيام بدأ الوجع يشتد عليه وكان في بيت السيدة ميمونة
فقال: ( اجمعوا زوجاتي )
فجمعت الزوجات ،
فقال النبي صلى الله عليه وسلم: ( أتأذنون لي أن أمرض في بيت عائشة ؟ )
فقلن: نأذن لك يا رسول الله
فأراد أن يقوم فما استطاع فجاء علي بن أبي طالب والفضل بن العباس فحملا النبي صلى الله عليه وسلموخرجوا به من حجرة السيدة ميمونة إلى حجرة السيدة عائشة فرآه الصحابة علي هذا الحال لأول مره ..
فيبدأ الصحابة في السؤال بهلع :ماذا أحل برسول الله.. ماذا أحل برسول الله.
فتجمع الناس في المسجد وامتلأ وتزاحم الناس عليه.فبدأ العرق يتصبب من النبي بغزاره
فقالت السيدة عائشة : لم أر في حياتي أحد يتصبب عرقا بهذا الشكل .
فتقول: كنت آخذ بيد النبي وأمسح بها وجهه، لأن يد النبي أكرم وأطيب من يدي.
وتقول : فأسمعه يقول :( لا اله إلا الله ، إن للموت لسكرات ). فتقول السيدة عائشة : فكثر اللغط ( أي الحديث ) في المسجد إشفاقا علي الرسول
فقال النبي : ( ما هذا ؟ ) ..
فقالوا : يا رسول الله ، يخافون عليك .
فقال : ( احملوني إليهم ) ..
فأراد أن يقوم فما استطاعفصبوا عليه 7 قرب من الماء حتى يفيق . فحمل النبي صلى الله عليه وسلم وصعد إلي المنبر.. آخر خطبه لرسول الله صلى الله عليه وسلم و آخر كلمات له
فقال النبي: صلى الله عليه وسلم ( أيها الناس، كأنكم تخافون علي )
فقالوا : نعم يا رسول الله .
فقال : ( أيها الناس، موعدكم معي ليس الدنيا، موعدكم معي عند الحوض..والله لكأني أنظر إليه من مقامي هذا. أيها الناس، والله ما الفقر أخشي عليكم، ولكني أخشي عليكم الدنيا أن تنافسوها كما تنافسها الذين من قبلكم، فتهلككم كما أهلكتهم ) .ثم قال : ( أيها الناس ، الله الله في الصلاة ، الله الله في الصلاة
بمعني أستحلفكم بالله العظيم أن تحافظوا علي الصلاة ، وظل يرددها
ثم قال : ( أيها الناس، اتقوا الله في النساء، اتقوا الله في النساء، أوصيكم بالنساء خيرا ) ثم قال : ( أيها الناس إن عبدا خيره الله بين الدنيا وبين ما عند الله ، فاختار ما عند الله )
فلم يفهم أحد قصده من هذه الجملة ، وكان يقصد نفسه
سيدنا أبو بكر هو الوحيد الذي فهم هذه الجملة ، فانفجر بالبكاء وعلي نحيبه ، ووقف وقاطع النبي
وقال : فديناك بآبائنا ، فديناك بأمهاتنا ، فديناك بأولادنا ، فديناك بأزواجنا ، فديناك بأموالنا
وظل يرددها ...فنظر الناس إلي أبو بكر ، كيف يقاطع النبي.. فأخذ النبي يدافع عن أبو بكر
قائلا : ( أيها الناس ، دعوا أبو بكر ، فما منكم من أحد كان له عندنا من فضل إلا كافأناه به ، إلا أبو بكر لم أستطع مكافأته ، فتركت مكافأته إلي الله عز وجل ، كل الأبواب إلي المسجد تسد إلا باب أبو بكر لا يسد أبدا )
وأخيرا قبل نزوله من المنبر .. بدأ الرسول بالدعاء للمسلمين قبل الوفاة كآخر دعوات لهم
فقال :( آواكم الله ، حفظكم الله ، نصركم الله ، ثبتكم الله ، أيدكم الله ) ...
وآخر كلمه قالها ، آخر كلمه موجهه للأمة من علي منبره قبل نزوله
قال صلى الله عليه وسلم :( أيها الناس ، أقرءوا مني السلام كل من تبعني من أمتي إلي يوم القيام ) .
وحمل مرة أخري إلي بيته. وهو هناك دخل عليه عبد الرحمن بن أبي بكر وفي يده سواك، فظل النبي صلى الله عليه وسلم ينظر إلى السواك ولكنه لم يستطيع أن يطلبه من شدة مرضه. ففهمت السيدة عائشة من نظرة النبي صلى الله عليه وسلم، فأخذت السواك من عبد الرحمن ووضعته في فم النبي، فلم يستطع أن يستاك به، فأخذته من النبي صلى الله عليه وسلم وجعلت تلينه بفمها وردته للنبي مره أخري حتى يكون طريا عليه
فقالت : كان آخر شيء دخل جوف النبي هو ريقي ، فكان من فضل الله علي أن جمع بين ريقي وريق النبي قبل أن يموت .تقول السيدة عائشة : ثم دخلت فاطمة بنت النبي ، فلما دخلت بكت ، لأن النبي لم يستطع القيام ، لأنه كان يقبلها بين عينيها كلما جاءت إليه ..
فقال النبي صلى الله عليه وسلم: ( أدنو مني يا فاطمة )
فحدثها النبي صلى اله عليه وسلم في أذنها ، فبكت أكثر . فلما بكت
قال لها النبي صلى الله عليه وسلم: ( أدنو مني يا فاطمة )
فحدثها مره أخري في أذنها ، فضحكت .....
بعد وفاته سئلت ماذا قال لك النبي
فقالت : قال لي في المرة الأولي : ( يا فاطمة ، إني ميت الليلة ) فبكيت ، فلما وجدني أبكي قال : ( يا فاطمة ، أنتي أول أهلي لحاقا بي ) فضحكت . تقول السيدة عائشة : ثم قال النبي صلى الله عليه وسلم : ( أخرجوا من عندي في البيت ) وقال : ( أدنو مني يا عائشة )
فنام النبي صلى الله عليه وسلم علي صدر زوجته ، ويرفع يده للسماء
ويقول : ( بل الرفيق الأعلى، بل الرفيق الأعلى ) ....
تقول السيدة عائشة: فعرفت أنه يخير.

دخل سيدنا جبريل علي النبي
وقال : يا رسول الله ، ملك الموت بالباب ، يستأذن أن يدخل عليك ، وما استأذن علي أحد من قبلك ..
فقال النبي صلى الله عليه وسلم: ( ائذن له يا جبريل )
فدخل ملك الموت علي النبي صلى الله عليه وسلم
وقال : السلام عليك يا رسول الله ، أرسلني الله أخيرك ، بين البقاء في الدنيا وبين أن تلحق بالله .
فقال النبي صلى الله عليه وسلم : ( بل الرفيق الأعلى ، بل الرفيق الأعلى )
ووقف ملك الموت عند رأس النبي صلى الله علي وسلم
وقال : أيتها الروح الطيبة ، روح محمد بن عبد الله ، أخرجي إلي رضا من الله و رضوان ورب راض غير غضبان ...تقول السيدة عائشة: فسقطت يد النبي وثقلت رأسه في صدري ، فعرفت أنه قد مات ... فلم أدري ما أفعل ، فما كان مني غير أن خرجت من حجرتيوفتحت بابي الذي يطل علي الرجال في المسجد وأقول مات رسول الله ، مات رسول الله .

تقول: فانفجر المسجد بالبكاء. فهذا علي بن أبي طالب أقعد، وهذا عثمان بن عفان كالصبي يؤخذ بيده يمني ويسري وهذا عمر بن الخطاب يرفع سيفه ويقول من قال أنه قد مات قطعت رأسه، إنه ذهب للقاء ربه كما ذهب موسي للقاء ربه وسيعود ويقتل من قال أنه قد مات.. أما أثبت الناس فكان أبو بكر الصديق رضي الله عنه دخل علي النبي واحتضنه
وقال : وآآآ خليلاه ، وآآآصفياه ، وآآآ حبيباه ، وآآآ نبياه . وقبل النبي صلى الله عليه وسلم


اللهم صل على محمد وعلى ال محمد كما صليت على إبراهيم وعلى آل إبراهيم إنك حميد مجيد

محاولة للرجوع

ومر زمن كبير مش متذكر بالظبط كام يبلغ هذا الزمن وانا واخد اجازة من مدونتى مش عارف ايه سبب الاجازة ونفس الشئ مش عارف ايه سبب الرجوع يمكن لانى فى ناس فكرتنى بالمدونة على الرغم من انى مش نسيتها بس الحمدلله انى رجعت تانى وحشتنى مدونتى وكمان وحشنى انى ادخل واعلق عند الناس المهم مش انى رجعت المهم انى احافظ على الرجوع دة ومش اغيب تانى

مش عارف اقول ايه

مهما اغيب واروح واجى لازم ارجع لمدونتى حبيبتى بس هقول ايه بقى النهاردة مش عارف ممكن حد يفكر معايا اقول ايه।
بس دلوقتى افتكرت هكتب عن ايه عن سلوكنا واحنا فى الشارع حاجات غريبة جدااااااااااااا بتحصل فى الشارع تلاقى الى راكب عربية ماشى ومعتقد انى الشارع كله بتاعه يمشى براحته ويقف براحته وى حاجة براحته طبعا مش كل الناس بعض الناس اما بقى دلوقتى تلاقى شباب بيضحك بصوت عالى فى الشارع وتلاقى بنت بتهزر مع ولد وربنا يحافظنا من الى بيحصل। تخيلوا والله مرة سمعت بنت ماشية الشارع قالت لفظ مش عارف هى ازاى قالته انا كشاب كنت مكسوف نيجى بقى لو انت من الناس الى بتركب موصلات تلاقى ناس مشغلة موبيلتها بصوت عالى جداااااااااااا وارجع واقول منه لله الى عمل التليفون الصينى صوته عالى جدااااااااااااا وتحس بصداع كل دة ومش عايز اقولك على التهريج بصوت عالى فى المواصلات।
بس بجد لازم نعرف حاجة ونطبقها فى حياتنا وهى ان حريتك الشخصية تنتهى عندما تبدأ الحرية الشخصية للاخرين।
ياجماعة عايزين نعمل حملة كيف نغير من سلوكنا و سلوك مجتمعنا

الموقف الاول

قبل ما اقول اى حاجة كل سنة وكل المسلمين طيبين وبخير بمناسبة المولد النبوى الشريف " صلى الله عليه وسلم"
اما الموقف بقى الى انا هقول عليه النهاردة خير اللهم اجعله خير راكب مترو الانفاق طبعا اسال اى حد بيركب المترو يقولك بيحصل مواقف وطرائف داخل المترو.
تخيلوا معايا 3 اطفال السن تقريبا 3 , 4 , 5 تقريبا بالشكل كدة انا قولت دة سنهم والله أعلم .
ال 3 اطفال راكبين المترو لوحدهم تخيلوا اطفال فى السن ده راكبين المترو لوحدهم غير انى كبير الاطفال دول شايل فى ايده حاجة تقريبا لعبة شبة السكينة بلاستيك طبعا تخيلوا طفل زى كدة والسن دة وشايل كدة لما يكبر هيعمل ايه الله أعلم .
دلوقتى انا عايز اعرف هو احنا بننجب اطفال ليه علشان نبهدلهم ولا نشردهم .
ياجماعة بالله عليكم المفروض قبل ان يتزوج اى اثنين ان يتعلموا فن تربية الاولاد. مش المهم نجيب اولاد لكن المهم ازاى نربى الاولاد

عودة بعد غياب

بعد غياب طويل رجعت تانى للتدوين فعلا التدوين ليه وحشة وحب كتير
وان شاء الله هحاول اعمل سلسلة من المواقف الحقيقة التى تحدث فى حياتنا ويارب اعرف اعملها باسلوب كويس .

مش هقول غزة ولا هقول فلسطين

مش هقول غزة ولا هقول فلسطين بس هقول واسلاماه واسلاماه واسلاماه
وبعدين كفاية كلام حرام بقى كله كلام فى كلام وبعدين فعلا صدقت المقوله ان العرب ظاهرة كلامية مفيش حد يستغرب انا كمان عربى زيكم
كل واحد فينا يجيب الغلط و العيب على التانى وكله فى الاخر كلام لحد ما اصبح الكلام وجبة اساسية زى الاكل والشرب بالظبط وفى الاخر سلم ليا على الكلام

أوعى مش تقول ورايا

سبحان الله
الحمدلله
لااله إلا الله
سبحانك لا إله إلا انت أنى كنت من الظالمين
اللهم صلى وسلم وبارك على سيدنا محمد صلى الله عليه وسلم
يلا ياجماع نستعد ونشد حيلنا
ان شاء الله داخل علينا عشرة ايام ذى الحجة من افضل الايام يلا ننوى الصيام
يلا قول ورايا نويت صيام تسع ايام من ذى الحجة يلا قول دلوقتى وبلاش كسل واوعى تنسى الدعاء لكل المسلمين لما تيجى تفطر
يلا نصوم وندعى للمسلمين اوعى تكسل عن الصيام يلا نشد حيلنا مع بعض

الاخوة بين العدل والظلم

العدل .... العدل .........العدل

من منا لايحب العدل ..... ومن منا لايحب ان يسود العدل بين الناس

إن القرآن الكريم تحدث في أكثر من ثلاثمائة آية عن العدل وإذا عددنا الآيات التي حث الله تعالى فيها على العدل وحذر من الظلم وأمر بالحق لوصل العدد إلى حوالي ألف آية .

واليكم بعض الايات من القرآن التى تحدث فيها المولى عز وجل عن العدل يقول الله سبحانه وتعالى {لاَ تَظْلِمُونَ وَلاَ تُظْلَمُونَ} [البقرة:279]

وفي الآية الثامنة من سورة المائدة يقول الله سبحانه وتعالى{يَا أَيُّهَا الَذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ ولا يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُوا اعْدِلُوا هُوَ أَقْرَبُ لِلتَّقْوَى واتَّقُوا اللَّهَ إنَّ اللَّهَ خَبِيرٌ بِمَا تَعْمَلُونَ}

ويقول الله سبحانه وتعالى : لَقَدْ أَرْسَلْنَا رُسُلَنَا بِٱلْبَيّنَـٰتِ وَأَنزَلْنَا مَعَهُمُ ٱلْكِتَـٰبَ وَٱلْمِيزَانَ لِيَقُومَ ٱلنَّاسُ بِٱلْقِسْطِ وَأَنزْلْنَا ٱلْحَدِيدَ فِيهِ بَأْسٌ شَدِيدٌ وَمَنَـٰفِعُ لِلنَّاسِ وَلِيَعْلَمَ ٱللَّهُ مَن يَنصُرُهُ وَرُسُلَهُ بِٱلْغَيْبِ إِنَّ ٱللَّهَ قَوِىٌّ عَزِيزٌ [الحديد:25]

ويوجد الكثير والكثير من الايات التى تتحدث عن العدل اما لو جائنا للاحاديث النبوية الشريفه فهى كثيرة ولكن هنا احب انا اذكر بحيث معظمنا يعرفه الحديث أخرجه البخاري في الصحيح أن النبي صلى الله عليه وسلم قال: "انصر أخاك ظالماً أو مظلوماً"،قيل: يا رسول الله، أنصره مظلوماً، فكيف أنصره ظالماً؟! قال: "تحجزه أو تمنعه عن ظلمه فإن ذلك نصره"

وهذا هو ما يهمنا ان نرد اخونا لو كان ظالما ولانتركه على ظلمه ففى الفترة الماضية علمنا بحبس وجلد اثنين من الاطباء المصريين هل هذا من العدل ؟

ولو افترضنا مثلا انهم اخطائوا كيف يحكم عليهم بحكمين السجن والجلد كيف يحدث هذا المفروض عندما يذنب المرء يحكم عليه القاضى حكم واحد وليس حكمين । وكيف للرجلين تجاوزا سن الخمسين عاما انا يحكم على كل منهم ب 1500جلدة اهذا هو العدل ؟

ولنرى ما هو غريب عندما علمت السلطات السعودية انا اهل الطبيبين قد اعلموا الاعلام بالقضية فاذا بهم انا يفرضوا حكما جديدا عليهم وهم انا يتم جلدهم فى الشارع بدلا من ان يتم جلدهم فى السجن أهذا هو العدل؟

ونحن نقدر ونحترم الاخوة بينا نحن العرب ولكن عندما يصل الموضوع الى الاهانة والذل لكرامة المصريين يبقى نقف لحد هنا ونقول كفاية لاننا مش هنقبل بالوضع دة لانى مفروض على كل دول العربية تكن كل احترام للشعب المصرى لانى بفضل الله مصر لها فضل على كل هذة الدول وبحب افكر الاخوة السعوديين الى بيعذبوا المصريين يرجعوا للتاريخ لكى يروا ماذا قدمت مصر لهم وكيف ساعدتهم؟ قبل انا يهينوا شعبها.

ونحن نطلب منهم شئ بسيط ليس صعب هو انا يحكموا بالعدل على هذين الطبيبن ويرجعوا للقضية مرة اخرى لكى يروا ما فيها من ظلم وقع على هذين الطبيبن .

التكبر

التكبر يا له من اسم صعب ومن شعور اصعب ومن عمل اصعب واصعب .
لو نظرنا مع بعض ورجعنا بالتاريخ للخلف سوف نرى جميعا انا اول معصية حدثت كان سببها هو التكبر عندما قال الله سبحانه وتعالى لابليس اسجد لادم فرفض ابليس لانه كان يعتقد انه افضل من سيدنا ادم لانه خلق من نار وسيدنا ادم خلق من طين لذلك فالتكبر فعل سيئ لابد على الانسان منا ان يتخلص من هذا .
قال الله تعالى " ولاتصعر خدك للناس ولاتمشى فى الأرض مرحا إن الله لايحب كل مختال فخور" نرى هنا فى الايه ان سيدنا لقمان ينصح ابنه بعدم التكبر .
لايوجد شئ يجعلك تكون متكبرا مهما وصلت فى العلم ومهما حصلت من الاوسمة والشهادات ليس من حقك ان تتكبر لانى ممكن يكون واحد تانى مش معاه شهادات ويكون عند بنا افضل منك غير كل ودة ربنا سبحانه وتعالى فى القران بيقول " وما أوتيتم من العلم إلا قليلا"
و قال رسول الله صلى الله عليه وسلم " ثلاثة لايكلمهم الله يوم القيامة ولا ينظر اليهم ولهم عذاب اليم ، شيخ زان وملك جائر وعائل مستكبر"
ومن هنا نرى انا التكبر نهى الله عزوجل عنه وايضا يقول الرسول صلى الله عليه وسلم عن رب العزة " الكبرياء ردائى، والعظمة إزارى ، فمن نازعنى فى واحد منهما قصمته ولا أبالى"
لذلك يجب علينا عند شعور انفسنا بالتكبر يجب فى هذه اللحظة ان تذل نفسك بفعل اى شئ تجد فيه اذلال .

اللهم لاتجعل فى قلوبنا مثقال ذرة من كبر ولاتجعل فى قلوبنا غل ولا حقدلاحدا من عبادك يارب .
انا حبيت اكتب فى الموضوع دة لانى عايز افكر الناس معايا ببعض الحاجات التى يمكن مشاغل الحياة جعلتنا ننساها واعذرونى لانى دى اول مرة اكتب فى موضوع ديني.

مواقف من العيد

فى البداية وقبل اى حاجة كل سنة والناس كلها طيبة وبخير ويارب العيد القادم تكون الناس كلها حققت امانيها نبدا بقى الحكاية اول يوم العيد طبعا زى ما احنا عارفين زيارة اقارب وكدة انا ركبت المترو الانفاق وبدات رحلتى كانت رحلة بالنسبة ليا مذهلة اطفال بجد نصرفات مذهلة تخيلوا معايا اطفال صغيرة خارجة مع بعضها طيب ازاى مين يتحمل مسئوليه الاطفال يعنى مثلا لو حصل حادثة مين يتحمل المسئوليه وبعد ما يحصل الى يحصل تلاقى الاهالى تبكى وتصرخ مع انى مش من حقها تبكى على الاطفال لانها مش فاكرت تحافظ عليهم كل دة وبتشوف بقى ايه شوية سلوكيات عجب الى بيهزر بصوت عالى والى بيرخم على االناس والولد الى يرخم على البنات والفاظ مش عارف الناس بتقولها ازاى واطفال تتنطط فى المترو الناس الى عندها الاطفال مش عارفة انى فى ناس مش عندها اطفال وببتمنوا طفل واحد بجد حرام نجيب اطفال نبهدلهم لازم نحافظ عليهم ونفسى الاهالى تخرج مع ولادها مش كل واحد بيمشى كدة مع نفسه لانى الاولاد دى امانة وهما المستقبل دى كانت اول حاجة فى العيد،،،،،،،،،،،،،،،،، دلوقتى وصلنا لتانى حاجة الملابس ومش عايز اقولك الى بيقولوا عليها موضة السنة دى غريبة جدااااااااااا ناس لبس ملابس انا بعتقد لوفكرت شوية فى هدومها وشكلها مش هتلبسها تانى بس للاسف كل بيقلد بعضة ومفيش تفكير ،،،،،،،،،،، اعتذارى لانى طولت عليكم كل سنة وانتم طيبين

هل هلال شهر مبارك

كل سنة وكل المدونين بخير مش المدونين بس كل العرب يكونوا بخير

رسالة حب

انا بعتذر للناس كلها على التاخير بس والله كنت اخدت وعد على نفسى انى مش هكتب اى حاجة الا بعد النتيجة وبحب ابارك لكل صحابى وخصوصا صديقى الانتيم الى بفضل الله ساعدنى فى عمل المدونة شكرا ياسامح وشكرا لكل صحابى لانهم بجد كانت نعمة الصحبة الخير وانا بحبهم كلهم قوووووووووووووووووووووووووووووووووووووووى وكلنا بنحب بعض جداااااااااااااااااااااااااااااااااااااااا

نهاية الفلم............. لم تكن كأى نهاية

البقاء لله......................

البقاء لله.......................

البقاء لله..........................

تم اليوم تشييع جنازة علمى رياضة ومن هنا بحب ابعت رسالة شكر لكل من وزير التربية والتعليم ورسالة شكر اخرى للاستاذ العبقرى واضع اسئلة امتحانات ا لرياضة لانهم كانوا احد الاسباب الرئيسة للوفاه.

والبقاء لله قبل امس انتحرطالبين بعد امتحان الميكانيكا.

البقاء لله فى تسريب الامتحانات.

البقاء لله فى امتحان تفاضل المدرسين مش عارفة تحله.

البقاء لله فى امتحان احصاء صعب.

البقاء لله للاهالى.

البقاء لله على ضياع مجهود الطلبه.

البقاء لله فى الثانوية العامة.

وفى نهاية احب انا اذكر عبارة شهيرة باى باى باى باى باى باى علمى رياضة وكل سنة وانتم طيبن.

معلش اخر حاجة, بعد اذنك يأحمد قول لمينا يقول لوائل يقول لمحمد يقول لفكرى يقول منى وخلى منى تقول لصفاء تقول لحنان تروح تقول للاسماء تقول لكريم يقول لبطرس يروح يقول لكرستين علشان تقول لعمرو علشان يسال سؤال

دم الطلبه الى انتحرت فى رقبة مين؟

دم الطلبة الى انتحرت فى رقبة مين.

دم الطلبه الى انتحرت فى رقبة مين.

الثانوية العامة كابوس ام حلم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش عارف اخلى السوال الثانوية العامة ولا ثانوية العذاب ولاثانوية الضغط العصبى ولا ثانوية الحزن والبكاء ولا ثانوية الشلل والملل ولا ثانوية الفرح وتحقيق الاحلام اقولك اختار الاسم الى يريحك وقوله انت المهم عايزين نروح رحلة وندخل بداخل الثانوية العامة علشان نعرف هى حلم ولا كابوس فى البداية لو رجعنا للخلف لحد لما نوصل للصف الثالث الاعدادى ودى اول محطة فى رحلتنا تتمنى انك تدخل الثانوية العامة لانها بالنسبة ليك ممر علشان تحقق حلمك بس اقولك هيكون دة اصعب ممر فى حياتك واحتمال تلاقى فيه النور قاطع واحتمال تلاقى عمود نور واحد يكون منور واحتمال اتنين واحتمال تلاقى الممر كله منور ووقتها تقدر تدخل قال ايه كليه قمة مع أنى دلوقتى ولا فى قمة ولافى قاع كله واحد مش فارقة كتير المهم نرجع تانى للممر خالى بالك مش انت لوحدك الى فى الممر فى ناس كتير معاااااااااك ولازم كلهم يساعدوك علشان تعرف تنور الممر ياه الممر صعب للدرجة دى ايوة دة ممر موت وكمان انت لسه مش عرفت الاصعب من كدة انى الممر مستويين مش مستوى واحد وقال ايه بيقولك انى احنا عايزين نخلى الممر 3 مستويات قال ايه هى ناقصة بصراحة المفروض يزودوا عدد المستويات لانى وقتها بس عدد السكان هيقل فى مصر تلاقى الطلبه انتحرت و المستشفيات كلها ضحايا من اهالى الطلبه هو دة الممر عرفت ياعم ايه هو الممر بس هستاذنك انى اقولك حاجات كدة على السريع هل يعقل انى ساعتين امام ورقه اسئلة يحدد مصير طالب نفسى اعرف ازاى . غير كدة وكدة تلاقى قال ايه الى بيحط الامتحان فليسوف شوفت ازاى تلاقى الامتحان كله فوازير واتصال بصديق وحذف اجاينتين وتسال راى اللجنة ومفيش حد عارف يحل حاجة هو دة الامتحان . بجد تحس انى الى بيحط الامتحان واضع خطة نابليون علشان يغلب الطالب طبعا اعتذارى الشديد لنابليون لانى خطتة بتعتمد على الذكاء اما امتحانات الثانوية العامة ولا بتعتمد على الذكاء ولا على الحفظ بتعتمد على حاجة جديدة لسه مش عارفينها. ارجع تانى واسال نفسى هل يعقل انى نملة ضعيفة تغلب فيل مش عارف بصراحة ياريت لو حد عندة اجابة يبقى يرد عليا كل دة وتلاقى الاهالى واّاّاّاّاّاّه على الاهالى بتدفع فلوس فى الدروس تكفى انها تغطى ديون محافظة كل دة علشان ساعتين قدام امتحان وفى الاخر نقول ثانوية عامة وكليات قمة وكليات قاع وكليات على الشاطئ وكليات فى المحيط ايه الكلام الغريب دة . بجد الى يحصل دة حرام مش كفاية مذاكرة فى الحر ومذاكرة حشو كلام وضغط عصبى وبعد كل دة الامتحان يجى صعب نفسى اسال سوال تانى معلش الاسئلة كتير النهاردة مش احنا فى امتحان ليه الامتحان فى الثانوية العامة لازم يجى صعب انا حاسس اننا فى مصر كلمة امتحان ترجمتها فى قاموس المصريين صعب لازم الامتحان يجى صعب علشان نقدر نسميه امتحان غير كدة مش هيكون اسمه امتحان بجد انا مرة كنت ماشى قدام مدرسة ثانوى وكان نفسى يكون معايا كاميرا بجد الاهالى كانت صعبانة عليا كانت وقفة خارج المدرسة مستنظرين اولادهم وتحس من تصرفات الاهالى انى هم الى بيمتحنوا . بس تصدقوا انا فى الاخر عرفت ليه اسمها ثانوية عامة لانها بتجمع العديد من المشاعر فرح حزن سعادة بكاء زغاريد دموع صعب سهل يتحل مش يتحل تلاقيها سوق متنوع من المشاعر وفى الاخر سلملى......... على العذاب واقرف................. الثانوية العامة

دعوة للتفاؤل

مش عارف اكون متفائل ولامش ...........

حاجة غريبة عايز اعرف ايه سببها.............

طيب ايه هو الغريب .....................

انك تلاقى معظم صحابك متشائمين تمشى فى شارع تلاقى الناس متشائمة تدخل نت اخبار سودة ومقرفة وايه كمان لو فكرت تدخل مدونة ياسلام تلاقيها سودة واخبار كائيبة خلاص بقينا متشائمين بس انا مش متشائم انا متفائل جدااااااااااااااااااااااا على الرغم من ظروف اقتصادية زفت وحياة صعبة وحديد غالى ومش هنتجوز بس بردة كل دة عااااااااااااااااااااااادى انا متفائل يمكن لانى لسه مش اتخرجت وكمان لانى لسه مش واجهت ظروف الحياه الى انا عارف انها صعبة جداااااااا بس انا مقتنع بحاجة اننا احنا الشباب لازم نتحرك ونشتغل ونبنى نفسنا بايدينا مش كل حاجة نجيب العيب والكسل على غيرنا ولا على الحكومة مش كل حاجة نقول حكومة حكومة خلاص بقيت نغمة قديمة تلاقى شباب كتير تقوله ياعم قوم اشتغل يقولك قال ايه انا مستنى الوظيفة الحكومية دة كلام ياجدعان مينفعش الكلام دة ياعم قوم اشتغل اى حاجة حتى لو مش بشهادتك المهم انك تشتغل طيب اقولك حاجة بسرعة كدة بس قبل ما اقول ربنا يستر ومع مرور الوقت مش اكون انا بطل القصة دى كان فيه واحد قال ايه خريج علوم راح اشتغل شغل حكومى بشهادتة مش عجبة المرتب ترك الشغل واشتغل زبال وجمع اول مليون ودلوقتى حلم حياتة انه يعمل اكبر شركة زبالة فى مصر شفت ازاى الناس بتبنى مستقبلها مش تقولى انا هنام لحد الوظيفة لما تيجى شكلك هتنام لحد لما تخرج من الدنيا خالص وهتبقى زى ما دخلت زى ما خرجت مش قدرت تعمل اى حاجة لازم نغير نظرتنا للدنيا يلا نجرب مع بعض التفاؤل تشوف وردة بيضة جميلة تشوف عصفوة رقيقة تشوف طفل صغير بيضحك. دعوة الى التفاؤل وفى الاخر .................................سلملى على.....................التفاؤل

هل تعرف الموضه

اصبحت الموضه شئ مهم فى حياتنا اغلبية الاشياء فى حياتنا موضه تقابل شاب بيلبس حاجات غريبة تسأله يقولك موضة وناس تانية كتير بيعملوا حاجات غريبة كل دة موضه اوعى تعترض لانك لو اعترضت عليهم يقولوا عليك راجعى هى دى الموضة ربنا يستر ومش يحصل اكتر من كدة ونرجع نقول موضة. الموضه بمفهوم كتير من الشباب فى العصر الحالى اصبحت بالنسبة ليهم هى تقليد مش مهم اذا كان تقليد صح ولا غلط هيليق ولا مش هيليق المهم انا البس زاى الشاب دة علشان يقولوا ايوة الشاب دة بيلبس على الموضةز وكلها حاجات غلط انا ليا راى متواضع فى موضوع الموضة. الموضه هو انى ارتدى الملابس الى تليق عليا مش اى كلام وخلاص لازم نفكر فى الملابس الى تليق عليا ولازم افكر وانا بشترى. اغلبية الشباب دلوقتى بتلغى دماغها المهم انة يشترى حاجة زى الشاب دة علشان يكون على الموضه. وبجد نفسى حد يجاوبنى بشوف ناس كتير لبسة حظاظة وحاجات كتير فى ايدها ليه ايه السبب نفسى حد يقولى اجابة مقنعة واتحدى حد يقولك اجابة مقنعة لانى اصلا الانسان الى مرتديها علشان يقلد بس مش لاى سبب اخر وهى دى الموضه. على فكرة انا ان مش داعية اسلامى ولا شيخ انا كان نفسى من زمان اكتب فى الموضوع دة. لانى عايز الناس تفهم ايه هى الموضه ويفكروا مش يقلدوا وخلاص. للاسف اخدنا من الغرب الاشياء الخارجية ومش خدنا منهم اى حاجة فى العلم . وفى الاخر سلملى على الموضة.