البقاء لله......................
البقاء لله.......................
البقاء لله..........................
تم اليوم تشييع جنازة علمى رياضة ومن هنا بحب ابعت رسالة شكر لكل من وزير التربية والتعليم ورسالة شكر اخرى للاستاذ العبقرى واضع اسئلة امتحانات ا لرياضة لانهم كانوا احد الاسباب الرئيسة للوفاه.
والبقاء لله قبل امس انتحرطالبين بعد امتحان الميكانيكا.
البقاء لله فى تسريب الامتحانات.
البقاء لله فى امتحان تفاضل المدرسين مش عارفة تحله.
البقاء لله فى امتحان احصاء صعب.
البقاء لله للاهالى.
البقاء لله على ضياع مجهود الطلبه.
البقاء لله فى الثانوية العامة.
وفى نهاية احب انا اذكر عبارة شهيرة باى باى باى باى باى باى علمى رياضة وكل سنة وانتم طيبن.
معلش اخر حاجة, بعد اذنك يأحمد قول لمينا يقول لوائل يقول لمحمد يقول لفكرى يقول منى وخلى منى تقول لصفاء تقول لحنان تروح تقول للاسماء تقول لكريم يقول لبطرس يروح يقول لكرستين علشان تقول لعمرو علشان يسال سؤال
دم الطلبه الى انتحرت فى رقبة مين؟
دم الطلبة الى انتحرت فى رقبة مين.
دم الطلبه الى انتحرت فى رقبة مين.
هناك 21 تعليقًا:
وزير التربية والتعليم بيقول طلبه حصلت على 100 % في الامتحانات الصعبه والله كلامه مظبوط عارفين مين جاب 100% طبعا مش عاوزا عبقرية اسألوا الوزير نفسه هو عنده الاجابه ولاد مين ولا مين خلاص تعبنا من الكلام حرام عليكم
انت هتقولي على علمي رياضه وامتحانات علمي رياضه وخصوصاً خصوصاً التفاضل والتكامل اللي غالباً كده عمره ما جيه امتحان ينفع يتحل
طلاااااسم مش تفاضل وتكامل ابداً
الميكانيكا والاحصاء بالنسبه ليه منتهى التفاهه
لا حول ولا قوة الا بالله
مأساه كل بيت مصرى
الثانوية العامة..
إلى متى !!!
بيتيهيالي في رقبة ناس كتير اوي...الحكومة اللي بوظت كل احجة في البلد لحد التعليم..المدرسين اللي ماراعوش ربنا في تدريسهم..والأهل اللي دمروا نفسيات اولدهم..وأخيرا الطلبة اللي ايمانهم بربنا وقضاؤه وقدره كان اضعف من انهم يستحملوا امتحان صعب...يعني من الاخر الكل مسؤول وربنا يكون في العون......
والله دى كارثه
انا اخويا ف تانيه ثانوى علمى رياضه
وامتحان التفاضل بتاعه طلع نيله برضه
لما لقى سنه تالته علمى رياضه بيجرالهم كده
قال وعلى ايه خلاص السنه الجايه ادبى بأذن الله
هيتحرق دمى ليه يعنى
مقدرتش اقول غير حسبى الله ونعم الوكيل
ينفع كده يحطمه حلم الاف الطلبه
ومعاهم اهليهم اللى صرفوا عليهم دم قلبهم
حسبى الله ونعم الوكيل
لا حول و لا قوة الا بالله
بجد مش لاقية حاجة اقولها يعني
انا لسة سامعة ع الموضوع ده امبارح في شبابيك
بجد و الله كده كتيييييير فعلا
ان لله و انا اليه راجعون
انا شايفة ان دمهم في رقبة اهاليهم والمجتمع اللى هما عايشين فيه
انهم يحسسوا الطلبة ان الثانوية العامة دي حياتهم هي مستقبلهم هي كل حاجة وان الكلية اللى هايخشها ياما يخشها ياما يموت
مفيش ثقافة ان الانسان لما بيقع ينفع يقوم ومفيش حاجة اسمها فات الاوان مفيش صقافة اسمها ان الانسان لما يدرس اللى بيحبه بيبدع فيه اكتر
فاهمني انا اقصد ايه ؟؟؟
والله العيب فينا ايه يعني لو ابني جاب مجموع قليل في الثانوية العامة بدل ماوقفه على رجليه واوجهه صح للحاجة اللى هاتنفعه لا يابني انت انتهيت انت وانت وانت ومتنفعش بحاجة وانت ولا حاجة مين قال ان كل الناس اتولدت عشان العلم وانهم كلهم لازم يبقوا في نفس المستوى العلمي
المنظومة التعليمية كلها بايظة اصلا وبوظت مخاخ الناس
لما يبقى العلم بيتقدر واللى داخل الجامعة ده داخل عشان عايز يتعمل مش عشان يمشي في طريق محفوظ ونمط حياة مجتمع ساعتها اقدر اقول اه ان الواحد يحص باحباط مجرد احباط انه ملحقش الكلية اللى عايزها
ياريت اكون قدرت اوصل وجهة نظري
وتحياتي
سلام عليكم ياجماعه فى ايه الدنيا مانتهتش ماجبتش مجموع وايه يعنى احنا مانعرفش الخير فين ااقولكم حكاية صغيره عنى
كان امل حياتى ادخل تجاره وابقى ايه عندى مكتب مخصوص قالولى يابنتى ادخلى تربيه ابدا ومخى والف..... تجاره لابلاش
دخلت تجاره من القعده طول النهار من غير حركه جاتلى دوالى وهاتك ياعلاج وادويه ووصلت لعمليات تعرفوا الدكتور قالى العلاج كان فى الحركه وانى ماقعدش على مكتب طول النهار ههههههه شوفتوا ماحدش عارف الخير فين مانا كنت زمانى مدرسه قد الدنيا طالعه نازله وبتحرك لكن نعمل ايه فى المخ السليم طبعا هههههههه
وبعدين كل واحد فاكر ان الرزق مش هايجيله الا من الكليه اللى اختارارها بالزات مين قال كدا
الرزق بايد ربنا بلاستغفار بالصلاة على رسول الله صلى الله عليه وسلم
الايمان بالله ياجماعه
وفى الاخر نقول عسى ان تكرهوا شيئا وهو خير لكم
الا بذكر الله تطمئن القلوب
صدق الله العظيم
لا تعليق يا عمرو
انا مش هزود على كلامك اكتر من كده
بجد منهم لله
ونرجع نقول مصر بترجع ورا
اهوه اديكو شفتوا مصر بتعمل ايه في ولادها
يا ولاد الذين
مها ميهوووو
دمهم فى رقبة مين يعنى
فى رقبتهم
علشان مذاكروش
عارف لو كانوا ذاكروا
بردوا مكنوش هيحلوا
اصل دى امتحانات لطلبة المريخ
الحمد لله انى عديت منها على خير
تحياتى
علاء
عظم الله اجركم في التعليم كله في مصر
الجنازة كانت من زمان
حضرتك بس ما كنتش واخد بالك
روق روق ما حدش واخد منها حاجة
يعني هي جت التعليم بس
السلام عليكم ورحمة الله وبركاته
عزيزتي
دم الطلبة في رقبة اهاليهم يعني طالب تهون عليه نفسه علشان سقط
مش علشان ماحلش كويس
الانسان ممكن يموت نفسه لسببين هو انه مش لاقي هدف من الحياة ودا سببه ضعف الايمان بالله
و السبب التاني الخوف
والسببين اساسهم الاهالي
اللي مربيه الرعب لاولدها
ونست تربي فيهم الايمان بالقضاء والقدر
صحيح الامتحانات جات صعبه حتي لوكانت جات سهلة مانت كنت هاتدخل الكلية وتشوف التعجيز اللي علي اصلهوالامتحانات الااوبن بوك
وعيش
وبدل ما تسقط سنه تسقط كذا سنه
المسئولية مسئولية اب وام
تحياتي
الي اللقاء
مش فى رقبه حد
ده خلااااااااااااااااااص هدر زى كل حاجه غيره وحسبنا الله ونعم الوكيل
upddmفى انتظار جديدك يا عمرو
تحياتى
بسم الله الرحمن الرحيم
انت لا تعرف شيئا عن الفلسفة الحقيقية للوزارة فى ذلك لذا تهاجم بشدة
الوزارة تقصد دفع المختلين إلى قتل أنفسهم حتى لا يدخلوا الجامعة ويفسدوها بعقلهم المختل فمن يصبر على هذا الرعب هو الذى يستحق دخول الجامعة
لا حول ولا قوه الا بالله
ربنا يرحمهم
ان شاء الله النتيجه تكون خير
معاك حق ذنب الطلبة دول مع مين ولا مين هيخدوا ربنا ينتقم منهم بقة الناس دى ويسهل للطلبة دى بجد حراااااااااااام
بجد ربنا مع الثانويه العامه دى الحمد لله ربنا رحمنا منها بقالنا 3 سنين
i am new in blogging world
this my blog
http://aliaawwe.blogspot.com
waiting for your comments
thanks
حسبي الله ونعم الوكيل فيهم يا شيخ متفكرنيش
مستنيه الجديد اتمنى تنورنى
إرسال تعليق