السبت، 4 أكتوبر 2008

مواقف من العيد

فى البداية وقبل اى حاجة كل سنة والناس كلها طيبة وبخير ويارب العيد القادم تكون الناس كلها حققت امانيها نبدا بقى الحكاية اول يوم العيد طبعا زى ما احنا عارفين زيارة اقارب وكدة انا ركبت المترو الانفاق وبدات رحلتى كانت رحلة بالنسبة ليا مذهلة اطفال بجد نصرفات مذهلة تخيلوا معايا اطفال صغيرة خارجة مع بعضها طيب ازاى مين يتحمل مسئوليه الاطفال يعنى مثلا لو حصل حادثة مين يتحمل المسئوليه وبعد ما يحصل الى يحصل تلاقى الاهالى تبكى وتصرخ مع انى مش من حقها تبكى على الاطفال لانها مش فاكرت تحافظ عليهم كل دة وبتشوف بقى ايه شوية سلوكيات عجب الى بيهزر بصوت عالى والى بيرخم على االناس والولد الى يرخم على البنات والفاظ مش عارف الناس بتقولها ازاى واطفال تتنطط فى المترو الناس الى عندها الاطفال مش عارفة انى فى ناس مش عندها اطفال وببتمنوا طفل واحد بجد حرام نجيب اطفال نبهدلهم لازم نحافظ عليهم ونفسى الاهالى تخرج مع ولادها مش كل واحد بيمشى كدة مع نفسه لانى الاولاد دى امانة وهما المستقبل دى كانت اول حاجة فى العيد،،،،،،،،،،،،،،،،، دلوقتى وصلنا لتانى حاجة الملابس ومش عايز اقولك الى بيقولوا عليها موضة السنة دى غريبة جدااااااااااا ناس لبس ملابس انا بعتقد لوفكرت شوية فى هدومها وشكلها مش هتلبسها تانى بس للاسف كل بيقلد بعضة ومفيش تفكير ،،،،،،،،،،، اعتذارى لانى طولت عليكم كل سنة وانتم طيبين

هناك 17 تعليقًا:

غير معرف يقول...

انت هتقولي ع الاطفال واللي بيتعمل فيهم،، طالما مندونتك بأه نفسية يبقى لازم ف يوم تكتب عن نفسية الاطفال في مواقف مختلفة
في البيت ومع اخواتهم الصغيرين وفي المدرسة ومع الكبار وسلوكياتهم
اساليب التربية الغلط

اسكت اسكت،، اصل محسوبتك حبيبة الاطفال وبيجننوني وبهتم أوي بنفسيتهم
:)

عمورة،، عيد سعيد عليك يا جميل

مها ميهوووو

Mafrousa يقول...

اولا كل سنة و انت طيب و بخير يارب و عيد سعيد عليك و على كل اللى بتحبهم
ثانيا علبة البسكوت جايه و رايا على طول مش حتتأخر
ثالثا...أنهو اطفال اللى بتتكلم عليهم؟؟؟؟
بص يا عمر اصل اختك مفروسة بقت مش مفروسة من شوية
اولا الاطفال اللى انت بتتكلم هعنهم دول مش أطفال اصلاا مافيهومشسي طفولة
دول يمكن يعرفوا حاجات اكتر منى و منك
و بعدين الاهالى اللى ممكن تسيب ولادها ينزلوا لوحدهم فى العيد دول اصل المشكلة
همه شايفين انهم سايبين ولادهم يتفسحوا و يتبسطوا.... و مش عارفين انهم سايبينهم لمصير ربك وحده العالم بيه

المهم ان كنت حتكتب عن النفساويات
انا حجيلك كل يوم
اصلى بحب اقرا عن الحاجات النفساوية

أمل حمدي يقول...

كل عام وانت بخير يا عمر واشكرك على زيارتي
مدونتك جميلة وبسيطة
وعندك حق في كل كلامك
اتمنى دوام التواصل ان شاء الله

Esraa Hamed يقول...

بجد عندك حق في كل كلامك
انا بس نفسي اقول لكل الناس قبل ما نقرر اننا يبقي عندنا ولاد لازم نتعلم يعني تربية طفل في كورسات كتير و دبلومات متخصصة في التربية الموشوع مش بالبركة ابدا ده مستقبل جيل جديد مش حاجة قابلة للتجربة
طبعا ناس كتير هتقول هو اهلنا كانوا خدوا كورسات و اتعلموا و اهم ربونا ؟!!
بس عايزة اقول ان التربية مش مجرد مذاكرة و اخلاق و صلاة و صوم
في قيم كتييييير واقعة منا
في ايجابية مفتقدينها في الشباب عشان محدش علمهلم
في اسس كتير للشخصية الناجحة علي كل المستويات دينيا و اخلاقيا و اجتماعيا و صحيا و ثقافيا و غيرها

جزاك الله خيراااااا علي موضوعك
و في انتظار جديدك ان شاء الله و متتأخرش علينا بقي

تحياتي

غير معرف يقول...

يسم الله الرحمن الرحيم
تحية طيبة وبعد
بس ياعمر أطفال اليومين دول مفيش عليهم أى قلق
إنت عارف القلق على مين على الشباب المفروض الأهالى تنزل مع أولادها الشباب فى الشارع وفى العيد علشان يحاولوا يمنعوا المهازل التى تحدث فى الميادين مثال أول يوم عيد حادثة تحرش فى ميدان التحرير حوالى 200 شاب
ثانيا حادثة تحرش و2إغتصاب فى شارع جامعة الدول العربية بأعداد من الشباب لاحصر لها
وغيرهم كثير وكثير ................
من المسؤال عن تصرفات هؤلاء الشباب
من الذى يأخذ بحق هؤلاء الفتيات التى لازنب لهم سوى إنهم فكروا يخرجوا يتفسحوا إوعى تقولى أصل لبسهم قصير ولابسين على الموضة بالعكس ياعمر هؤلاء البنات الذى أتحدث عنهم كانوا قمة فى الأدب والأخلاق وملابسهم كانت جيب طويلة وبلوزة واسعة وحجاب !!!!!
والله العظيم فعلا فتيات يضرب بيهم المثل ولكن من المتسبب فى هذا الحادث
من وجهة نظرى الأهالى هما السبب الأهالى الذى تحدثهم عن أطفالهم الصغار فكرهم ياعمر بأطفالهم الكبار لأن الشباب اليومين دول هما إلى محتاجين توعية قوية جدا .
وأسف لو طولت عليكم
رئيس تحرير مجلة نقطة حبر :ــ
الكاتب الصحفى / حاتم خميس

عاشــــــ النقاب ـقــــة"نونو" يقول...

السلام عليكم
فعلا حاجة بتفرس منها وبستغربها اوي
لما الاقي اطفال خارجة ومشاوير بعيدة دون رقابة من الاهل حتى علشان السلامة
ما اعرفش يمكن ما تعبوش فيهم ولا ايه ؟؟؟!!!
واللبس والسلوكيات بقى والله وصل للمسجد كمان
ربنا يرحمنا برحمته
كل عام وانتم الى الرحمن اقرب
نورت مدونتي واتمنى دوام التواصل
تحياتي

بنت مصريه يقول...

عيد بقى وانت عارف العيد فرخه وبطه وفته ههههههههههههههههه
والله منا عارفه اقولك ايه ربنا يهديهم
بوست جميل
وكل سنه وانت بالف صحه وسلامه

Miss. Sosa يقول...

كل سنة وانت طيب وبكل خير وصحة وعادة يارب .. معلهش هي متأخرة شوية بس ازمة المواصلات والاختناقات المرورية وانت عارف بقي

بخصوص ملحوظاتك بصراحة مجتمعنا ده عايز الحرق وسلوكياته بقت تحرق الدم

الاجيال الحالية بتجيب اطفال وترميهم في الشارع ولا بيعرفوا يربوا ولا يزرعوا سلوكيات واخلاق حميدة هم بس عمالين يجروا ورا فلوس وبس

وقصة اللبس اللي مش محترم برضو ماهو من نفس المشكلة الاولي وهي غياب الدور التربوي للابوين ومفيش حد بيقول صح وغلط وعيب ولا علمهم يعني ايه دين واحتشام

ربنا يعافينا ويعفو عنا ويهدي الجميع يارب

رئيس التحرير يقول...

السلام عليكم ...التقي بك هنا ربما يجمعنا مكان آخر ...المهم نلتقي و نرتقي ..واللقاء مثمر بلا شك ...

Foxology يقول...

دول احنا ككبار بنقول عليهم >> اطفال العيد

اللى هو اى لبس واى تصرفات عيد باة كل سنة وانت طيب :)
تحياتى :)

سمكه واحده يقول...

بجد عندك حق واول مره اخد بالي من النقطه دي عشان بس مش بخرج في العيد

كمان اسماء الله الحسني في المدونه جميله جدا عشان انا حطاها نغمه موبايلي اتخضيت افتكرت الموبايل بيرن قولت مين اللي انهطل في دماغه وبيتصل دلوقت

بس موضوع مهم وربنا يدي الحال
تحياتي وكل سنه وانت طيب

كـــيــــــــارا يقول...

اولا كل سنه وانت طيب

ثانيا الاطفال الذ شي في الكون ولازم نحافظ عليهم لانهم نعمه من ربنا وفي ناس فعلا نفسها فيها

ثالثا بالنسبه للبس انا شيفاها حريه شخصيه

EMMY BABY يقول...

طبعا انا عارفة انى ردى هيبقى متاخر اوى بس انا لازم اعلق على المواقف اللى ذكرتها لانها نفس الحاجات اللى فعلا لفتت نظرى فى العيد

هو المشكلة ان الاطفال اول ماييجى العيد علطول يبقى لازم خروجات وفسح والاهل مش هيقدروا يخرجوا علشان يستقبلوا الضيوف فبالتالى بيسيبوه اطفالهم يخرجوا

بس انا من رايى حتى لو سابوهم يخرجوا لوحدهم مفروض يكونوا عارفين انهم قريبين يعنى مينفعشى اطفال يركبوا مواصلات او مترو ويروحوا مكان ماهما عايزين ده اكبر غلط

اما الشباب اللى بيلفظوا الفاظ غريبة والله انا بقول ازاى وصلنا لكدة بجد ربنا يهدينا ووالله

اما بقى الموضة ودى والله اكبر حاجة لفتت نظرى ساعتهامع انى بشوفها يوميا فى الكلية ايه الموضة الغريبة باديهات وبناطيل واخضر فى اصفر وازرق فى اصفر واصفر فى بنفسجى والوان غريبة ليس لها علاقة بالجمال بجد ربنا يهدينا ويهدى شباب المسلمين

تحياتى

ايمى

GiGi world يقول...

عندك حق اذا فكروا فلبسهم مش هيلبسوا
وموضوع الاطفال فعلا الاعالى بتجيب ولا د وخلاص والشارع يربي وخلاص
يارب نحس بالنعمه
مدونتك رائعه قوي بجد صاحبها شخصيه رائعه
تحياتى وتقديرى

موناليزا يقول...

والله انت حبت المفيد
هناك تصرفات مسيئة جدا تضر الشخص ومن حوله
لامبالاة الاهالى باولادهم سواء كبار او صغيرين
زحمة وعدم نظام
واللبس على الموضة ومش مهم اذا كانت الموضة دى جملة ولا لا
*************************
ممكن تشيل تاكيد الكلمة حين ارسال التعليق

Esraa Hamed يقول...

في انتظار جديدك

شمس النهار يقول...

انت كده جيت علي الجرح
الاطفال
الاباء مش عارفه اتجننوا والا عايزين يخلصوا من اولادهم مش عارفه التصرفات الخاطئه كتير
مثلا ام ماشيه ماسكه يد ابها الصغير كبيره كي جي 1
ومشياه ناحية الشارع وهي ناحية الرصيف
الله انت خايفه علي نفسك ومش خايفه علي ابنك
وغيره وغيره
وكمان وئد الطفوله في ملابس تحاكي نانسي وهيفا
الموضوع كبير عايز قاعده كبيره