الجمعة، 24 أكتوبر، 2008

التكبر


التكبر يا له من اسم صعب ومن شعور اصعب ومن عمل اصعب واصعب .
لو نظرنا مع بعض ورجعنا بالتاريخ للخلف سوف نرى جميعا انا اول معصية حدثت كان سببها هو التكبر عندما قال الله سبحانه وتعالى لابليس اسجد لادم فرفض ابليس لانه كان يعتقد انه افضل من سيدنا ادم لانه خلق من نار وسيدنا ادم خلق من طين لذلك فالتكبر فعل سيئ لابد على الانسان منا ان يتخلص من هذا .
قال الله تعالى " ولاتصعر خدك للناس ولاتمشى فى الأرض مرحا إن الله لايحب كل مختال فخور" نرى هنا فى الايه ان سيدنا لقمان ينصح ابنه بعدم التكبر .
لايوجد شئ يجعلك تكون متكبرا مهما وصلت فى العلم ومهما حصلت من الاوسمة والشهادات ليس من حقك ان تتكبر لانى ممكن يكون واحد تانى مش معاه شهادات ويكون عند بنا افضل منك غير كل ودة ربنا سبحانه وتعالى فى القران بيقول " وما أوتيتم من العلم إلا قليلا"
و قال رسول الله صلى الله عليه وسلم " ثلاثة لايكلمهم الله يوم القيامة ولا ينظر اليهم ولهم عذاب اليم ، شيخ زان وملك جائر وعائل مستكبر"
ومن هنا نرى انا التكبر نهى الله عزوجل عنه وايضا يقول الرسول صلى الله عليه وسلم عن رب العزة " الكبرياء ردائى، والعظمة إزارى ، فمن نازعنى فى واحد منهما قصمته ولا أبالى"
لذلك يجب علينا عند شعور انفسنا بالتكبر يجب فى هذه اللحظة ان تذل نفسك بفعل اى شئ تجد فيه اذلال .

اللهم لاتجعل فى قلوبنا مثقال ذرة من كبر ولاتجعل فى قلوبنا غل ولا حقدلاحدا من عبادك يارب .
انا حبيت اكتب فى الموضوع دة لانى عايز افكر الناس معايا ببعض الحاجات التى يمكن مشاغل الحياة جعلتنا ننساها واعذرونى لانى دى اول مرة اكتب فى موضوع ديني.

هناك 29 تعليقًا:

EMMY BABY يقول...

geo amr

بجد انت ناقشت الموضوع باسلوب بسيط اوى

جزاك الله خيرا

الشيخ الشعراوى كان بينظف دورات المياة حتى لايشعر بالكبر فى نفسه

كما ذكرت انت يجب علينا ان نعمل عمل مثل هذا كى لا يدخل الكبر الى نفوسنا

وكما ذكرت ان الدين الاسلامى ينهينا عن الكبر

نصيحة لكل واحد حاسس انه حاجة كبيرة يبص على الاكبر منه هيحس انه ولا حاجة وان لسة مشواره كبييييييييييييييييييير اوى وبرضه مش هيبقى حاجة قصاد علم ربنا


موضوع بجد يستحق التقدير

تحياتى

ايمى

كلام على بلاطة يقول...

الكبر معصية

fnan_geology يقول...

,والله عندك حق
شكرا على التذكره يا عمور
وسلااااااااااااام

شمس النهار يقول...

مرض العصر التكبر
كله بيتكبر علي كله
وكله فاهم كل حاجه وعارف كل حاجه
واللي يتبسط ويتواضع خلاص بقه عبيط
ازاي تنزل نفسك للمستوي ده وناسيين ان سيدنا عمر كان بيقعد جنب بلال
كل الناس فجئه بقت بقمع
وكلهم بشاوات
المشكله حتي اللي علي نفس المستوي
برضه بيتكبروا علي بعض
وارجع واقول الكبر علي اهل الكبر صدقه
وارجع واقول الاخلاق
نرجع لدينا نرجع للأخلاقنا
بشكرك علي البوست الجميل ده
كلمات بسيطه بس في الجون

GiGi يقول...

ربنا يعزك يارب ويكرمك
تذكره مهمه
اسلوبك بسيط بس بيوصل لان انت بتقول اللى حاسه
يارب لاتجعلنا من المتكبرين يارب

Geo Amr يقول...

شكرا لكل المدونين الى علقوا ويارب يجعل هذا العمل فى ميزان حسناتنا

kemet يقول...

السلام عليكم ورحمة الله وبركاته

وذكر فان الذكري تنفع المؤمنين
جزاك الله خيرا

تحياتي
الي اللقاء

SemSem يقول...

اول زيارة لى فى المدونة
الموضوع كبير واجمل حاجه انك ناقشته باسلوب بسيط
باذن الله ويارتى لك لن تكون الاخيرة
تحياتى

لورنس العرب يقول...

يا سيدي
دلوقت أمور التكبر لها أسباب مضحكه
كأن واحد يصير متكبرا لأنه أشترى سياره جديده
أو واحد أخ الدكتوراه وتزعل لو ناديته بإسمه -وهو صاحبك- بدون لقب يا دكتور!
أو أن ربنا ينعم عليه بترقيه ويمسك منصب في العمل
أو أن ربك يفتح عليه بشويه فلوس
المهم ان كله من عند الخالق
وعلى الرغم من كده تجد التعالي
دي أمراض نفسيه يا استاذ

بنت مصريه يقول...

صحيح
لايدخل الجنه من كان فى قلبه مثقال ذره من الكبر

المفهوم كبير يا عمرو
بس طرحك ليه ف البوست كان بمنتهى السلاسه والساطه
احييك عالبوست الرائع

أية الشقية الشعنونة يقول...

نعذرك انك كتبت فى موضوع دينى

يا راجل قول كلام كويس

ابليس اخ منه اخ

ههههههههههههههههههههههههه

فعلا والله

اللهم اجعلنا مخلصين لك

وطهر قلوبنا من النفاق وعملنا من الرياء والسنتنا من النميمة ونفوسنا من الكبر

اللهم امين

احسنت يا عمرو

جزاك الله خيرا

تحياتى

حبيبه يقول...

فعلا موضوع مهم (الكبر )
انا مش عارفة ليه الناس تتكبر علي غيرها مع اننا من اصل واحد
والرسول (صلي الله عليه وسلم) بيقول حديث معناه (لا يدخل الجنة من كان في قلبه ذرة من كبر)
اللهم طهر قلوبنا وثبتنا علي الايمان
تحياتي لك

همس يقول...

اللهم ابعد عنا التكبر وارحمنا من المتكبرين

جزاك الله خيرا

تحياتى

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

THE BOSS يقول...

علينا ان نختار بين الكبرفي الدنيا

والجنة و نعيمها في الاخرة

واعتقد من يختار الكبر

انسان جاهل فمن منا لا يريد الدائم الذي لا يزول

وشكراً على البوست


وعطني ولعه

أحسن تـستاهـل يقول...

التكبر
بنسميعا احنا هنا الاطة، جليطة، شايف نفسه، واخد في نفسه قلم، عايش الدور،
بس في الاخر المعنى واحد
لو كل واحد يبص لنفسه بجد وبحق وحقيقي هيلاقي ان على ايه كل ده،، ربنا يبعد عنا الكبر ويرزقنا الاخلااااااااص

عمووووور،، تسلم الايدين

مها ميهوووو

عصفور مهاجر يقول...

نعذرك ...لان دي اول مره تكتب ...الله الله عليك ..امال لماتبقي ذو خبره راح تعمل ايه ...الله يوفقك ..بالفعل امتعتنا ...وذكرنا بأن ( المتكبر ) أسم من اسماء المولي عز وجل ...بارك الله لك.
س : هجرت زيارتي ليه ؟ اعل المانع خيرا..

Geo Amr يقول...

EMMY BABY
________________
جزاكى الله خيرا على مثال الشيخ الشعراوى وفعلا عندك حق كل واحد يشعر بالتكبر ينظر لشخص اكبر منه او احسن منه علشان يشوف نفسه واتمنى دوام التواصل.
كلام على بلاطة
__________
خير الكلام ما قل ودل جزاك الله خيرا

fnan_geology
_________________
دعواتك يافنان لينا.

شمس النهار
_____________
عندك حق التكبر دة مرض وياريت نرجع للدين ونتعلم منه واتمنى التواصل بينا

GiGi
__________
جزاكى الله خيرا على الدعاء .

kemet
__________
فعلا هى تذكرة لازم بين الحين والاخر نذكر بعض نلتقى على خير ان شاء الله

SemSem
_________
اتمنى دوام التواص بينا سمسم ونورتنى فى المدونة

لورنس العرب
_____________
فعلا التكبر كما ذكرت انه مرض بس بردة لو حد من صحابك متكبر لحد ما حاول تنصحه بس يكون بالحسنى والرفق انه يبطل التكبر وشكرا

Geo Amr يقول...

بنت مصريه
______________
شكرا على التذكرة بالحديث النبوى الشريف والله طرح الموضوع ببساطة توفيق من عند ربنا وجزاكى الله خيرا

أية الشقية الشعنونة
________________________
لا يأيه انا مش كنت اقصدك انكم تعذرونى انى كتبت فى موضوع دينى انا قصدى انكم تعذرونى عن قله المعلومات فى هذا الموضوع انى لست من العلماء حتى استطيع ان اكتب فى موضوع دينى
وجزاكى الله خيرا

حبيبه
______________
يارب طهر قلوبنا من التكبر اللهم امين

همس
________
يارب ابعد عنا التكبر احنا والمسلمين اجمعين

THE BOSS
_____________
جزاك الله خيرا على هذه المقارنة الرائعة

أحسن تـستاهـل
__________________
عندك حق ياريت كل واحد ينظر لنفسه الاول بس نظرة شاملة متفحصة قبل ما يفكر يكون متكبر ويارب ارزقنا الاخلاص وجزاكى الله خيرا

عصفور مهاجر
_______________
ربنا يبارك فيك ويعزك على كلامك لا ان شاء الله مفيش هجر ولا حاجة بس كان فى فترة مش كنت متابع جيد للمدونة واتمنى دوام التوصل بينا

DR.HAMAS يقول...

و قد قال النبى فيما يرويه عن رب العزة

(( من تواضع لى هكذا - و اشار براحة يده للأرض - رفعته هكذا - و رفع راحة يده لأعلى ))

أسأل الله أن يخلصنا من أى ذرة كبر

و أن يخلقنا بخلق التواضع





جزاكم الله خيرا على الموضوع القيم







د.حماس

الجواز و سنينه يقول...

و الله ما شاء الله عليك
ربنا يجعلك من لالصالحين
و البعيدين عن التكبر و اخنا معاك يارب
ادينى دخلت و سبت تعليق

مفكر يقول...

السلام عليكم::

شكراً لزيارتك الجميلة مدونتي...

جزاك الله خيراً على التوبيك...

فعلاً مشكلة الكبر والتكبر مشلكة مزنمة الأيام دية..

عرضك للموضوع كان جميل..

أتمنى اشوفك تاني لاحقاً

رؤية يقول...

اشكرك على الموضوع
جعله الله فى ميزان حسناتك
وجزاك عنا كل الخير

تحياتى لك.

موناليزا يقول...

ربنا يكرمك على هذه التذكرة الغالية
بس انت نسيت الكلمة الشهيرة اللى بقت متداولة دلؤتى على لسان الجميع"انت مش عارف بتكلم مين"
اللهم اعزنى بطاعتك ولاتذلنى بمعصيتك

حاسوباتيه يقول...

ماشاء الله عليك كلامك جميل وفعلا صح والانسان المتكبر ده الناس بتبعد عنه واصلا ايه لازمه التكبر مش عارفه ربنا يوفقك ومدونتك جميله

ahmed_k يقول...

آمين يا الله
أسأل الله أن يعافينا من خبث الكبر وما يؤدي إليه,
بارك الله فيك على مقالك القيم
فالكبر من أعظم الموبقات التي تورد الشخص مورد المهالك
وليس الفراد فقط فالدولة المتكبرة أيضا يصيبها من آثاره ووعد الله في الحديث القدسي الذي ذكرت
فأمريكا لما تكبرت وأدعت القوة بطرا نرى اليوم بداية آثار هذا الحمق جلية في كل ما يحدث لها من ازمات وكوارث لم يعهدوها من قبل
(وما ربك بظلام للعبيد)
وقال رسول الله صلوات ربي وسلامه عليه
(لايدخل الجنة من كان في قلبه مثقال ذرة من كبر)

بوركت أخي العزيز
وتقبل خالص تحياتي

غمض عينيك يقول...

تذكرة كيمة من شخص كريم
جزاك الله خيرا


تحياتي
محمد سمير

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

د/ رامي شهاب الدين يقول...

اللهم جنبنا وأعصمنا من التكبر

بوست رائع وهادف

تحياتى